حزام ناسف بيفتح سكه للجنة
بنات الحور بتستنى
يجيها النور من الضفة
ومن غزة
وعرسان السما الفات
بتتزاحم على الزفة
وبكره موكبك طالع
فى خان يونس وفى البيرة
يسر الأهل والجيرة
وهيصيب العدو بحيرة
قابلته هناك
مطرح بيحضن
ملح البحر عذوبته النيل
كملت معاه الدرب
صبرت على التأويل
علمنى ازاي الناى
هيرقّص حيه اتحبست
جوه بياتها الشتوى سنين
وإن فكر مره الجن
يخبى ولاده هيبقوا فين ؟
ادانى السمسم .. يوم ما قبلت
أفلّى الفولة
زرعته فى أرض الفقرا
وما خفتش انى أقول الغولة
عينك لون الدم
وقملك أمرّ من الصبار
أنا ناوى اختار
السكه الرابعة وافوت
واجيب الحلم المرمى
فى بطن الحوت****************قصيدة (الخِضر) نُشرت للشاعر على عبد العزيز فى موقع دنيا الرأى رابط :http://pulpit.alwatanvoice.com/content-200665.html
البحر لم الموج ونام
على صدره عشش عنكبوت
اتعود السمان عليه
انت اللى واقف
على الشطوط من كام سنه
مستنى إيه ؟
كل الوساطه الكدابين
باعوا الصدف
ويا المحار ..
تعبت إيديك
من الخيط الحرير
ولا عدش لؤلؤ تلضمه
فاخلع فؤادك واصلبه
على أى حته فى الفنار
يمكن يقيد .. البحر يصحى
وينتفض تانى من جديد
ــــــــــــــــــــ
الموج من ديوان طالع يغنى نُشرت للشاعر على عبد العزيز فى موقع دنيا الرأى رابط : http://pulpit.alwatanvoice.com/content-200330.html
|
|
