النص الكامل لديوان طالع يغنى: عيال الحى

باخاف جدا
عيال الحى تلحقنى
وتسرق منى مواويلى
مالقاش فى جوف الناي
سوى .. آهه
بتشبه شوقى لشروقك
صحيت بدرى مخبى لك
ما بين القلب والننى
تلات يمامات تصحيكى
ونيل فيضانه يرويكى
ويجعل مرمرك آيه
زرعت جوافه فى صدرك
وبتزورك .. عصافيرى
تلقط حبها سكر

من الشفه اللى رافضه تبوح
بسر الوجد فى عيونك
وبتخونك .. دراعاتك
تضمينى ....
ما عدتش اخاف
من امبارح ولا بكره

*****************