سبحان الذى أحيانى
ورجع لى من تانى
صوتى اللى راح من سنين
فانطلق عصفور يغنى
ويلملم فتافيت اللولى
المتبعتر من بق الناس
اللى علمها الدهر وكل سنين القهر
وحتى ساعات الفرح الحكمة
فصاغتها عيدان فى غيطان
تطرح حب وحب يكفى الدنيا
وان زاد بتحوشه لجفاف البير
ولا تكسر مره الزير
علشان الغنى محتاج لشقافة
وتقول لغيلان الدنيا
حمره عنيك
وقلبك اسود من الليل الحالك
وبتفتح فى طريقك
يابو زيد السكة مسالك
ولا هالك إلا البنى بيته
قزاز الأجرة بتشبه للرقاص
تنقص بتدق الراس
إن قل الزاد .. البركة تكفى
كسبنا الستر .. البصلة فى حبك
تبقى خروف .. الكلمة الحلوة
بميت معروف .. هتشوف
مش زى ماتسمع لوتسمع
سر تقوله من بدرى
غطى عليه بماجور
النور مايسرش لاعمى
وغريب بيلطش فى بلاد
هيحش ويعطى العجل
يخاف ليقولوا عليه
كافر بالنعمة .. اشمعنى
مالهاش فى قاموس
الناس تفسير .. مش ناوى أسير
فى طريق مضمون
راح اعدى قناية خطرك
واجبر لك خاطرك
لو كان مكسور
واستنى الأجر
فى آخر ليام .. قدام
عند القبرالمزروع
صبار والليل البالع
ألف نهار وما انهار
السد زمان من قرض الفار
أصبح أساطير .. رخها بيطير
هيوصل آخر حلمك فين
إوعاك هتقول إنك فى الليل
لما سألك هاتف حلمك
عن سر النداهة الوخداك
فى الباط عملاك وطواط
متعلق من رجليك وراسك
تحت .. ارتحت .. وشوفت
الدنيا بشكل صحيح .. صبحت
فصيح ـ كتبت الشعر ـ
النثر
لبست الخرقة بقيت درويش
الخرج مليان تعابين
السبحة خرزها يقيد الليل
الحضرة هتبدأ .. يخدك وجدك
حبه .. بحبه .. يزيد
يتبعتر منك هذيان الطلسم
والترانيم .. ترسم على الأيقونة
الوالعة دموعها شموع
سفر نبؤتك .. تبعته
لبحور الحكمة السابعة
التابعة سبع منارات
علشان ماتفرق بين الصادق والدجال
فى الحال تتوضا بدمع التنين الفضة
تفرش سجدتك .. فوق البحر الميت
تقضى الفرض .. تعيد
تفرق بين المد والجزر
توزع موج البحر بعدل
تعدل شاهد قبرك
شطر جنوبك .. وينوبك
من كل غنايم هذا الكون
عدودة تشبه للدودة
الواكلة الجثة تخاف م الخسة
الملية عيون الناس .. تبلع نفسك
ويتقاسمك مع ضيق الصدر الربو
تدوَّر على ترياق .. تكسر به يم الشمس
الراسمه عمود من نور على راسك
ترتاح حراسك .. هتهون فى بلاد بتخون
لا إيزيس هتلم اشلاءك فى يوم
ولا تقدر تغرس بذرة حورس
الكورس هتغنى أغانى الموتى
وتحضر كل الجنازات
لا هاتبكى الماضى .. ولا تستنى
اليوم الآت .
ورجع لى من تانى
صوتى اللى راح من سنين
فانطلق عصفور يغنى
ويلملم فتافيت اللولى
المتبعتر من بق الناس
اللى علمها الدهر وكل سنين القهر
وحتى ساعات الفرح الحكمة
فصاغتها عيدان فى غيطان
تطرح حب وحب يكفى الدنيا
وان زاد بتحوشه لجفاف البير
ولا تكسر مره الزير
علشان الغنى محتاج لشقافة
وتقول لغيلان الدنيا
حمره عنيك
وقلبك اسود من الليل الحالك
وبتفتح فى طريقك
يابو زيد السكة مسالك
ولا هالك إلا البنى بيته
قزاز الأجرة بتشبه للرقاص
تنقص بتدق الراس
إن قل الزاد .. البركة تكفى
كسبنا الستر .. البصلة فى حبك
تبقى خروف .. الكلمة الحلوة
بميت معروف .. هتشوف
مش زى ماتسمع لوتسمع
سر تقوله من بدرى
غطى عليه بماجور
النور مايسرش لاعمى
وغريب بيلطش فى بلاد
هيحش ويعطى العجل
يخاف ليقولوا عليه
كافر بالنعمة .. اشمعنى
مالهاش فى قاموس
الناس تفسير .. مش ناوى أسير
فى طريق مضمون
راح اعدى قناية خطرك
واجبر لك خاطرك
لو كان مكسور
واستنى الأجر
فى آخر ليام .. قدام
عند القبرالمزروع
صبار والليل البالع
ألف نهار وما انهار
السد زمان من قرض الفار
أصبح أساطير .. رخها بيطير
هيوصل آخر حلمك فين
إوعاك هتقول إنك فى الليل
لما سألك هاتف حلمك
عن سر النداهة الوخداك
فى الباط عملاك وطواط
متعلق من رجليك وراسك
تحت .. ارتحت .. وشوفت
الدنيا بشكل صحيح .. صبحت
فصيح ـ كتبت الشعر ـ
النثر
لبست الخرقة بقيت درويش
الخرج مليان تعابين
السبحة خرزها يقيد الليل
الحضرة هتبدأ .. يخدك وجدك
حبه .. بحبه .. يزيد
يتبعتر منك هذيان الطلسم
والترانيم .. ترسم على الأيقونة
الوالعة دموعها شموع
سفر نبؤتك .. تبعته
لبحور الحكمة السابعة
التابعة سبع منارات
علشان ماتفرق بين الصادق والدجال
فى الحال تتوضا بدمع التنين الفضة
تفرش سجدتك .. فوق البحر الميت
تقضى الفرض .. تعيد
تفرق بين المد والجزر
توزع موج البحر بعدل
تعدل شاهد قبرك
شطر جنوبك .. وينوبك
من كل غنايم هذا الكون
عدودة تشبه للدودة
الواكلة الجثة تخاف م الخسة
الملية عيون الناس .. تبلع نفسك
ويتقاسمك مع ضيق الصدر الربو
تدوَّر على ترياق .. تكسر به يم الشمس
الراسمه عمود من نور على راسك
ترتاح حراسك .. هتهون فى بلاد بتخون
لا إيزيس هتلم اشلاءك فى يوم
ولا تقدر تغرس بذرة حورس
الكورس هتغنى أغانى الموتى
وتحضر كل الجنازات
لا هاتبكى الماضى .. ولا تستنى
اليوم الآت .
